Нисэхийн сургалтын төв нь ИНД-141 “Нисэхийн сургалтын байгууллагын гэрчилгээжүүлэлт” дүрмээр гэрчилгээжсэн, иргэний нисэхийн чиглэлээр анхан, давтан, мэдлэг олгох сургалтуудыг зохион байгуулдаг. Мөн 2016 онд Олон улсын иргэний нисэхийн байгууллага /ICAO/-ын TRAINAIR PLUS хөтөлбөрийн Жинхэнэ гишүүн, нисэхийн мэргэжлийн сургалтын байгууллага болсон бөгөөд иргэний нисэхийн салбарын ажилтнуудын мэдлэг, боловсролыг дээшлүүлэх, мэргэжлийн дадлага олгох, зөв хандлага төлөвшүүлэх, ICAO-ийн стандарт, шаардлага, зөвлөмжүүдэд нийцүүлэн сургалтын хөтөлбөрүүдийг боловсруулах, хэрэгжүүлэх зэрэг олон зорилтуудыг амжилттай хэрэгжүүлэн ажиллаж байна.
